Pas performancës së tyre artistët janë shprehur të emocionuar dhe të impresionuar nga publiku.
Temperaturat e ulta në qytetin e Pogradecit nuk kanë mundur ta frenojnë entuziazmim e Summer Fest i cili ka “ndezur” qytetin me atmosferën e tij. Me këngëtarët, aktorët dhe balerinët të cilët kanë performuar mbrëmjen e se premtes në sheshin “Odeon” vera është bërë e zjarrtë mes qindra qytetarëve të cilët kanë ndjekur koncertin mbushur me surpriza, ndërsa kanë kënduar dhe kërcyer së bashku për orë të tëra.
Pas performancës së tyre artistët janë shprehur të emocionuar dhe të impresionuar nga publiku.
Rina Bilurdagu, këngëtare ka shkruar: Summer Fest ka lezet! Kënaqen njerëzit, kënaqemi ne në koncerte të hapura.
Rezart Veleshnja, aktor i Portokallisë: Yll! Më shumë s’kam çfarë të them. Shumë bukur, ka shumë njerëz. Klajdi Haruni, këngtar: Ishte një pritje shumë e ngrohtë, shumë e zjarrtë. Ndjehem si në familjen time këtu dhe jam ndjerë shumë-shumë mirë.
Summer Fest ishte në Pogradec për të tretin vit radhazi ndërsa turi veror do të vijojë në qytete të tjera. / KultPlus.com