Një numër i konsiderueshëm i këshilltarëve komunalë do ta ndërrojnë ulësen me atë të deputetit në Kuvendin e Kosovës, raporton KTV.

Pagat dhe mëditjet e vogla që i marrin si asamblistë, pozita më me prestigj si ligjvënës në nivel qendror, janë disa nga faktorët që i bëjnë të zgjedhin ulësen e deputetit para asaj në nivel lokal.

Më së shumti këshilltarë komunalë që do ta braktisin këtë pozitë për atë të deputetit do të jenë në kryeqytet.

Sazan Ibrahimi nga Asociacioni i Komunave të Kosovës thotë se është e drejtë e secilit kandidat të zgjedh se ku dëshiron të japë kontributin, pasi siguron votat e nevojshme në secilin nivel qeverisës. Mirëpo, sipas tij, problem mbetet cilësia e dobët përfaqësuese që po vazhdon të kenë kuvendet komunale