Qeveria e Republikës së Kosovës ka themeluar grupin punues për të trajtuar në apel rastin e ish-krerëve të UÇK-së.

Kryeministri, Albin Kurti, deklaroi se në grup punues do të ketë përfaqësim institucional dhe parlamentar, me qëllim që të bashkërendohet mbështetja për çlirimtarët.

Grupi punues, siç deklaroi Kurti, do të kryesohet nga Glauk Konjufca, shkruan IndeksOnline.

“Me këtë vendim po e konkretizojmë zotimin tonë që, me mjetet që kemi në dispozicion, të angazhohemi për drejtësi dhe për mbrojtjen e së vërtetës historike të luftës sonë çlirimtare”, deklaroi Kurti.

Me të përfunduar mbledhja, ministri Andin Hoti tha se qeveria do të angazhohet me çdo gjë që ka në dispozicion, për të mbrojtur luftën çlirimtare.

“Ne sapo kemi themeluar grupin punues për hartimin e strategjisë shtetërore… afatet kohore se kur do të realizohet strategjia, varen prej shumë faktorëve,. Për ne është shumë e rëndësishme që të fillojë menjëherë dhe të trajtohet ën radhët e para, dhe të evitohen gabimet. Unë besoj që shumë shpejt se do të krijohet një strategji e tillë, por nuk mund të them afatin se kur do të krijohet” tha Hoti.