Përveç personaliteteve si Zijadin Sela, Nuri Seferi, Hysni Shaqiri, protestuesve iu është bashkangjitur edhe publicisti dhe analisti i mirënjohur shqiptar Kim Mehmeti.

Turma prej mijëra protestuesve në Shkup kundër rastit “Monstra” arrin në “Bit Pazar” ku presin t’i bashkangjiten edhe mijëra qytetarë tjerë.

Reporteri i gazetës “Lajm” raporton se turma ka vazhduar me brohoritjet tanimë të njohura “Ali Tradhëtari”, “Kush nuk del është tradhëtar”, “Shtet mafioz” etj. Tani për tani turma nuk ka pasur përplasje me policinë.

Para pak çastesh protestuesve shqiptarë u bashkangjitet bokseri Nuri Seferi i cili bashkë me deputetin e luftes Hysni Shaqiri dhe me kryetarin e Komunës së Strugës Zijadin Sela, po i prinë protestës e cila po lëviz në drejtim të gjykatës. /Lajm/