Mbrëmë pas mesnate gazetarit dhe autorit të emisionit “Pa Rrotlla”, Milaim Zeka i është thyer vetura e firmës “Opel Zafira” nga njerëz të panjohur, akt i cili është kryer në garazhën e banesës së tij e cila gjendet në Prishtinë.

Rasti është identifikuar tek në mëngjes kur gazetari Milaim Zeka është nisur për në punë nga edhe ka lajmëruar menjëherë policinë.

Në bazë të pamjeve të marra nga vendi i ngjarjes, huliganët kanë thyer xhamin e derës së parë të makinës nga edhe kanë shkaktuar dëme materiale në të.

Sipas deklaratës së gazetarit Zeka dhënë Policisë së Kosovës, thyerja apo vandalizimi i tillë mund të ketë edhe prapaskena të tjera.

Ndërsa menjëherë në vendin e ngjarjes ishin të pranishëm Policia e Kosovës dhe Forenzika të cilët kanë bërë hetimet e duhura dhe marrjen e shenjave të gishtave.express/LipjaniNews/