Beppe Marotta, administratori i deleguar i Interit, ka komentuar për “Sky Sport” golin e shënuar nga Diego Godin të mërkurën mbrëma.
Mbrojtësi 33-vjeçar shënoi gol në fitoren 2-0 të Atletico Madridit në Champions League ndaj Juventusit.
Ai dha sinjale se Godin do të zyrtarizohet shumë shpejt si lojtar i Interit dhe se sezonin e ardhshëm, do të luajë në “Giuseppe Meazza”.
“Më vjen mirë. Negociatat me të janë shumë të avancuara dhe ka qenë një kënaqësi që e kam parë të shënojë”, ka thënë Marotta.
“Zyrtarizimi? Jam optimist dhe besoj se shumë shpejt do të vijë komunikata zyrtare”.
Godin është pjesë e Atleticos që nga viti 2010.
Ai ka bërë 378 paraqitje deri më sot për klubin spanjoll dhe ka shënuar 26 gola. /Gazeta Express/