Mesfushori Luka Modric e ka prezantuar Topin e Artë, të cilin e fitoi këtë vit, para tifozëve të Real Madridit në “Santiago Bernabeu” para fillimit të ndeshjes ndaj Rayo Vallecanos në La Liga.
Futbolli i takoi Luka Modricit në vitin 2018, i cili festoi një vit të jashtëzakonshëm duke e fituar Topin e Artë, transmeton Gazeta Express.
Kroati e fitoi Ligën e Kampionëve me Real Madridin dhe i ndihmoi kombit të tij ta arrijë finales e Kupës së Botës 2018 në Rusi, ndërsa më 3 dhjetor e fitoi edhe çmimin më prestigjioz individual për një futbollist, Topin e Artë.
Me të gjithë të pranishmit duke e brohoritur emrin e tij në “Santiago Bernabeu” para ndeshjes ndaj Rayo Vallecanos të shtunën mbrëma, mesfushori kroat e shfaqi trofeun para përkrahësve.
Modric ishte i lumtur derisa pozoi me trofeun bashkë me shokët e skuadrës. /Gazeta Express/
Lexo më shumë në: https://www.gazetaexpress.com/sport/luka-modrici-e-prezanton-topin-e-arte-ne-bernabeu-606023/?utm_source=referral&utm_medium=web&utm_campaign=copyright
