Ylli i Bayern Munich mund të kthehet në Santiago Bernabeu këtë verë.

James Rodriguez me shumë gjasë do të kthehet në Real Madridin verën që vjen, transmeton Gazeta Express.

Kolumbiani është në fund të huazimit të tij dyvjeçar me Bayern Munich, dhe pritej shumë që ai të arrinte marrëveshje të përhershme me bavarezët në fund të sezonit.

Por, El Confidencial pohon se Bayerni mund të mos jetë i gatshëm t’i paguajë 43 milionë euro për kartonin e James, që do të thotë se Real Madridi mund të detyrohet të kërkojë blerës të ri për të.

Kjo pasi trajneri i ri i Los Blancos, Zinedine Zidane, nuk është i interesuar ta ketë në skuadër Jamesin për sezonin e ri 2019/20.

Nëse një gjë e tillë ndodh, atëherë Reali mund ta rrisë çmimin e tij deri në 60 milionë euro. /Gazeta Express/