Edhe pse bëhet fjalë për një studim të izoluar, zbulimi përbën një sukses të madh dhe bën të mundur krijimin e një panorame më të qartë dhe interesante të mekanizmave që qëndrojnë në themel të vetëdijes. 

Kërkuesit kanë stimuluar disa zona të trurit të një gruaje epileptike, duke matur aktivitetin e secilës me qëllim për të rritur në qendrën që përcakton krizën e saj. Pas stimulimit, gruaja ka humbur vetëdijen, me fjalë të tjera ajo nuk ishte më në gjendje të lëvizte, nuk reagonte dhe ngadalësoi frymëmarrjen. Pasi kërkuesit ndërprenë ngacmimin e jashtëm, gruaja ka rifituar vetëdijen, ndonëse nuk ishte në gjendje të kujtonte atë çka ajo kish përjetuar. Eksperimenti u përsërit edhe disa herë të tjera në momente të ndryshme, duke marrë të njëjtin rezultat. 

Sipas shefit të kërkimit, dr. Mohamad Koubeissi, përfundimet e arritura sugjerojnë ekzistencën e një bërthame qendrore (claustrum) e cila duket se luan një rol të veçantë në vetëdijen e njeriut.

Gjithsesi, duke qenë se ky është vetëm një studim, aktualisht për shkencëtarët është pak e vështirë që përfundimet e tij të jenë të gjithëpranueshme.