Një çift që la stilin e vjetër të jetesës pasi ndiheshin të ‘mbytur’ nga punët e tyre të njëjta, tani jetojnë në një furgon 20,000 £ të cilin e kanë konvertuar vetë. Tom Ward, 36 vjeç dhe Amy O’Brien, 29 vjeç, ishin të ngopur nga drejtimi i një hoteli dhe pubi, kështu që në vend të kësaj, ata thjesht vendosën të largoheshin dhe të udhëtonin nëpër Mbretërinë e Bashkaur me qenin e tyre, Frankie.
Pasi u kthyen në realitetin e punës së tyre pasi udhëtuan për muaj të tërë me furgonin e tyre, Amy dhe Tom shfrytëzuan një shans në mars 2020, kur pandemia globale Covid-19 goditi botën dhe më nuk e kanë kthyer kokën prapa.
Shtëpia e tyre e re e lëvizshme përbëhet nga një banjë – e cila gjithashtu vepron si një dhomë tharjeje – me një dush me ujë të nxehtë dhe një tualet plehrash, një shtrat fiks në një nivel më të lartë, një sobë me gaz, lavaman dhe frigorifer në kuzhinë dhe një dush në natyrë, transmeton Telegrafi.
Fotografët tashmë të pavarur shpenzuan një total prej 32,370 eurove (28,650 funte) për furgonin e tyre, i cili përfshin vetë furgonin, kostot e konvertimit, sigurimin dhe taksën e rrugës për një vit.
Ndërsa ata thonë se mund të jetë e shtrenjtë për të blerë automjetin dhe pastaj për të shpenzuar kohën dhe paratë për ta konvertuar atë, Tom dhe Amy thonë se ata ishin ‘shumë me fat’ që punuan shumë dhe i kursejnë paratë e tyre për të investuar në shtëpinë e tyre të re me rrota.
Çiftit iu deshën gjashtë muaj për të konvertuar dhe ndërtuar të gjithë automjetin vetë dhe ata kanë ndërtuar pesë furgona në katër vitet e fundit, duke përfshirë dy në fillim të këtij viti, të cilat i ndërtuan për miqtë e tyre.
Amy, me origjinë nga Frome, Somerset, tha për Daily Mail: “Padyshim që ndihem sikur më hiqet një peshë nga supet. Nuk jam në këtë situatë pune stresuese. Supozoj se arrita në një pikë ku thjesht po punoja dhe punoja dhe u ndjeva sikur ishte si Shfaqja Truman.
“Kam punuar në një vend ku ishte njësoj çdo ditë dhe njerëzit ankoheshin çdo ditë për të njëjtat gjëra. Arrita në një pikë ku isha sikur nëse nuk bëj asgjë, kjo do të jetë jeta ime përgjithmonë”, bëri të ditur Amy.
Kur e pyetën se çfarë do t’i thoshte dikujt që mendonte të bënte këtë dhe të hynte në jetesën brenda furgonit, Amy tha: “Nuk është e dëmshme ta bësh këtë hap dhe ndihem sikur mund të jesh shumë rehat duke pritur që diçka të të ndodhë. Thjesht duhet ta bësh këtë sepse je ti ai që kontrollon veten dhe vendimet e tua”.
Tom shtoi: “Unë do të thoja thjesht bëjeni atë. Sepse nëse e bëni siç duhet, gjithsesi se po e bëni një investim. Nëse ndërton një furgon të mirë, në ditët e sotme furgonët po vlejnë aq shumë sa mund të ndërtosh një dhe ta konvertosh një të tillë dhe nëse nuk të funksionon, mund ta shesësh, do të fitosh dhe pastaj mund të kthehesh në jetën në të cilën ishe duke e jetuar më parë”. /Telegrafi/
