Organizata Joqeveritare YAHR ka shkruar se është  kundër shkuarjes së të rinjve në migrim jashtë vendit në formën e tanishëm, Yahr thotë se çdo përpjekje për ti ndaluar lëvizjen e lirë me anë të mekanizimit të policës është shkelje e rëndë e të drejtave dhe lirive të njeriut.

“Ne si organizatë YAHR jemi kundër shkuarjes së të rinjve në migrim jashtë vendit në formën e tanishëm, si një dukuri mjaftë shqetësuese për shoqërinë tonë. Por, paralajmërimi i disa zyrtarëve komunal citojmë: “po bëhen përpjekje që së bashku me policinë lokale, krahas mundësive të lejuara, të parandalohen këto ikje të jashtëligjshme për në vendet perëndimore”, çdo përpjekje për ti ndaluar lëvizjen e lirë me anë të mekanizimit të policës është shkelje e rëndë e të drejtave dhe lirive të njeriut , që këto të drejta janë të garantuara edhe me Deklaratën për të Drejtat e Njeriut të Organizatës së Kombeve të Bashkuara.
Institucionet tona duhen të bëjnë përpjekje për të krijuar kushte , punë dhe mirëqenie për rininë tonë , e jo ti përdorin mekanizmat tjerë e si që është mekanizimi policor për ti parandaluar ikjen e të rinjve nga mos perspektiva e krijuar nga një politikë e mbrapshtë qe 14 vite e instaluar në Kosovë.” , shkruan YAHR./LipjaniNews/