Menaxheri i Arsenalit, Arsene Wenger, është duke përgatitur ofertë për mesfushorin e Bayer Leverkusen, Lars Bender
The Mirror njofton se francezi e dëshiron me çdo kusht një mesfushor dhe Topçinjtë janë kthyer te shënjestra e tyre e parë për atë pozitë.
Ata e kanë përcjellë 25-vjeçarin qe më shumë se një vit dhe shpresojnë ta transferojnë për 19 milionë euro.
Leverkuseni nuk dëshiron ta shesë, mirëpo Arsenali shpreson ta joshë me një kontratë luksoze.
Po ashtu, spekulohet se Topçinjtë janë të gatshëm të shpenzojnë për transferimin edhe të Alexis Sanchez dhe Mathieu Debuchy, ndërsa të tre lojtarët do të kushtonin rreth 85 milionë euro.
