Kreu i lëvizjes Vetëvendosje, Visa Ymeri, e ka quajtur si fitore të Opozitës detyrimin e partive në pushtet që të mbajnë mbledhjen në një sallë të improvizuar në Kuvend.
Në një konferencë për media, Ymeri tha se partitë opozitare do të vazhdojnë me protesta derisa Qeveria dhe kryeministri Isa Mustafa të tërheqin nënshkrimin e tyre për Asociacionin e Komunave me shumicë serbe.
Vazhdimin e seancës në një sallë tjetër në Kuvend, Visari e ka quajtur jo demokratike.
“Mbajtja e seancave në restorante dhe anashkalimi i 1/3 të deputetëve tjerë të Kuvendit, paraqet shkelje të demokracisë”.
“Ne do të vazhdojmë me protesta sikurse mbrëmë dhe do t’i detyrojmë të fshihen skutave”, ka thënë Ymeri, raporton lajmi.net.