Ish-komandanti i Zonës Operative të Karadakut, aktualisht nënkryetar i Aleancës për Ardhmërinë e Kosovës, Ahmet Isufi e ka kritikuar Komisionin për verifikimin e kategorive të dala nga lufta e UÇK-së për vonesën në shqyrtimin e ankesave për veteranët dhe mospublikimin e listave.

Ai e ka ftuar Qeverinë e Kosovës dhe këtë komision që sa më shpejt ta përmbyllin këtë proces dhe t’i bëjnë publike listat përfundimtare të veteranëve të luftës së UÇK-së.

Isufi për ‘Epokën e re’ tha se nuk duhet lejuar që veteranët të sakrifikojnë edhe më tutje për të drejtat e tyre, duke i detyruar të protestojnë. /Telegrafi/