Një video e bërë nga AP gjatë luftës së fundit në Kosovë, është rikthyer sërish në vëmendjen e qytetarëve të Kosovës.

Por, gjatë transmetimeve të saj në media, është thënë se ajo është bërë në Aqarevë të Skenderajt.

Në fakt, videoja është bërë në fshatin Breshancë të Suharekës.

Telegrafi mëson se një nga luftëtaret në video, që i jepet më shumë hapësirë, është Pranvera Balaj nga Doberdolani i Suharekës. Pas ushtrimeve, ajo kthehet në vendlindje, në fshatin ku UÇK doli publikisht për herë të parë në prillin e vitit 1998, tek lagja e Balajve.

“Tradita shqiptare ka shumë rrëfime të heroinave luftëtare që shkojnë në luftë krah burrave. Nuk është çudi se gjenerata e re vazhdon të ndjek këtë traditë”, thuhet në përshkrimin e videos së bërë më 1998.

Pranvera, e cila i është bashkuar radhëve të UÇK-së që në fillesat e luftës, pas luftës ka qenë police e gjeneratës së parë të pasluftës në Kosovë. Sot me familjen e saj të ngushtë jeton në Norvegji. /Telegrafi/