Rrobat e veshura në disa koncerte dhe filma nga legjendarja e muzikës pop Madona janë shitur në një ankand për 3.2 milionë dollarë.

Në ankandin dy ditorë “Ikonat dhe Idhujt: Rock n ‘roll” zhvilluar në internet nga Shtëpia e ankandit Julien në Los Anxhelos, veshjet e Madonës kanë tërhequr një vëmendje të madhe.

Në ankand fustani i nusërisë që ka veshur këngëtarja e njohur kur është martuar me Sean Penn në 1985 është shitur 81250 dollarë, ndërsa xhaketa e veshur në filmin “Desperately Seeking Susan” 252 mijë dollarë dhe vathët 34 mijë e 375 dollarë.
Gjithashtu veshjet e përdorura në filmin “Evita” 15 mijë dollarë dhe veshjet në klipin e këngës “Material Girl” janë shitur 73 125 dollarë.

Në ankand gjithashtu edhe sende të tjera të të njohurve si syzet e John Lennon janë shitur 25 mijë dollarë, ndërsa unaza e Elvis Presley është shitur 57 mijë dollarë