06 nëntor 2014- Nën kryesimin e kryesueses Vlora Limani-Hajnuni, Kuvendi komunal i Lipjanit ka mbajtur sot, vazhdimin e mbledhjes së njëmbëdhjetë (11) me radhë.
Pas aprovimit të ekstraktit të mbledhjes së 9 të jashtëzakonshme dhe mbledhjes së 10- të KK- , për shqyrtimin e buxhetit të alokuar për nëntëmujor dhe shpenzimi i mjeteve buxhetore, dhe shqyrtimin e propozim- vendimit për rritjen e buxhetit të komunës së Lipjanit nga tejkalimi i të hyrave vetanake për vitin 2014, ka folur drejtori i Drejtorisë së Buxhetit dhe Financave – Shkelzen Hajdini.
Hajdini duke paraqitur raportin e Buxhetit komunal për periudhën nëntëmujore për të gjitha kategoritë theksoj se gjatë kësaj periudhe janë shpenzuar 80.64 %
“Ekzekutimi i shpenzimeve të buxhetit komunal për periudhën Janar- Nëntor, të këtij viti është duke u realizuar sipas planit dinamik, për këtë periudhë kemi shpenzuar 80.64 % “, tha drejtori Hajdini. Ai mandej i bëri të ditur edhe shpenzimet të tjera nëpër drejtorit dhe sektorët e Komunës së Lipjanit. Ndërkaq duke folur rreth shpenzimeve në realizimin e investimeve kapitale ai theksoi se komuna është e përkushtuar që për muajt të mbetur të bënë realizimin e buxhetit. Hajdini po ashtu ka përmendur edhe shkallën e realizimit e të hyrave për këtë periudhë dhe atë duke e krahasuar me të njëtën periudhë të vitit të kaluar e nga kjo del se ekzekutivi i tanishëm ka realizuar 36.84% më shumë sesa në vitin paraprak.
Ndërsa këshilltarët komunalë me shumicë votash kanë aprovuar raportin e buxhetit të alokuar nëntëmujor, dhe shqyrtimim propozim-vendimin për rritjen e buxhetit të komunës së Lipjanit nga tejkalimi i të hyrave vetanake për vitin 2014.
Shqyrtimi i propozim-rregullores për bashkëpunimin e komunës dhe organizimin e fshatrave, vendbanimeve dhe lagjeve urbane, ka prezantuar drejtori i Administratës, Fauz Xhemajli, si pikë e rëndit të ditës është aprovuar.
Latif Ramadani, drejtor i Drejtorisë për Ekonomi dhe Zhvillim, ka folur për, shqyrtimin e propozim-vendimit paraprak për dhënie në shfrytëzim afatshkurtër të pronave të paluajtshme- lokale afariste të komunës, ai në këtë rast, ka thënë se, ky propozim-vendim vjen nga kryetari i komunës, dhe ka kërkuar nga këshilltarët komunalë që të aprovohet. Si pikë e rëndit të ditës është aprovuar.
Këshilltarët komunalë, po ashtu kanë aprovuar shqyrtimin e propozim-vendimit për themelimin e Komitetit Konsultativ për Kulturë, Rini dhe Sport. Propozim vendimin për shpalljen e konkursit për anëtarësim në Komitetin Konsultativ, për Kulturë, Rini dhe Sport. Shqyrtimin e propozim-vendimit për formimin e panelit përzgjedhës për përzgjedhjen e kandidatëve për anëtarësimin në Komitetin Konsultativ për Kulturë, Rini dhe Sport. Shqyrtimin e propozim –rregullores për ndryshimet dhe plotësimet e rregullores për transportin e udhëtarëve me automjete taksi. Propozim vendimi për ndarjen e subvencione Bashkësisë Islame në Lipjan, njofton zyra për informim në Komunen e Lipjanit.
Vlen të theksohet se në këtë seancë të pranishëm nuk kanë qenë këshilltarët e PDK-së, të cilët kanë lëshuar sallën, me pretekstin se nuk është thirrur mbledhje e jashtëzakonshme për çështjen e përzgjedhjes së mësimdhënësve në arsim.
