Sipas raportimeve ai ka ndërruar jetë rreth orës 1:00 të mëngjesit për shkak të plagëve të marra.
Në atentatin e të dielës (4 gusht) ai mori 6 plumba në gjoks.
Të plagosur në sulmin me armë mbetën edhe i biri i tij Ergest Beqiraj, si dhe një person i tretë i identifikuar si Nesim Hodaj.
Policia thotë se sulmi me armë është kryer nga dy persona, të cilët i identifikon si E.XH e Sh.L.
Menjëherë pas ngjarjes ata janë larguar me mjetin e tyre drejt Pyllit të Sodës.
“Në momentin e konfliktit të tre personat,kanë qenë në lokal duke pirë kafe. Atentatorët kanë zgjedhur dhe momentin e duhur kur në zonë nuk ka pasur shumë njerëz” raporton Ora News.
Policia e Vlorës është vënë në ndjekje të tyre. Në ndihmë të saj kanë shkuar dhe Delta Forcë e FNSH e Fierit.
Paraprakisht sipas bluve ngjarja ka ndodhur për motive banale.