Pas një pauze dhe heshtje të madhe, Altuna Sejdiu do të rikthehet me një projekt të ri muzikor.

Këngëtarja prej disa muajsh nuk ishte e pranishme në media madje gjatë kësaj periudhe ajo kishte edhe shumë pak koncerte, transmeton Telegrafi.

Por, duket ka ardhur koha për rikthim me një videoklip të ri, xhirimet e të cilit tashmë kanë përfunduar.

Megjithëse nuk janë dhënë detaje rreth këtij projekti, se si do të duket Tuna në video mund të mësojmë nga disa pamjen të publikuara nga vetë ajo dhe bashkëpunëtorët e saj në rrjete sociale.

Nga pamjet kuptojmë se ajo dëshiron akoma të identifikohet me “zogun”, pasi në gishtin e saj ka të vendosur një unazë, të cilën e ka vënë në pah./Telegrafi/