Tri herë i është ndërruar klasa një nxënësit të klasës së parë në Shkollën Fillore “Motrat Qiriazi” në Prizren. Ai ka rënë ‘viktimë’ i ndërhyrjeve në përzgjedhjen e mësimdhënësit të fëmijëve, që prindërit e tyre kanë fuqi politike.

“Drejtori i kësaj shkolle, brenda pak ditësh, një nxënësi ia ka ndërruar tri herë klasën”, tregon një burim brenda kësaj shkolle.

“Me këtë rast ai arsyetohet se ka intervenuar filan asamblisti, filan aktivisti i partisë apo edhe kryetari”.

Torturimi i nxënësve të klasës së parë në Prizren është trajtuar edhe në Kuvend.

Kuvendarja e VV-së, Drita Millaku në seancën e fundit të Kuvendit, ka thënë se në Shkollën Fillore “Mustafa Baki”, për këtë fenomen, është përdorë edhe dhuna, raporton PrizrenPress.