Klan Kosova bazuar në një sondazh ka shpallur një listë prej top 50 hiteve të muzikës shqiptare, ku rezultatet kanë qenë sa të pritshme, aq edhe befasuese.
Në vendin e parë të kësaj renditje prej top 50 hiteve ku në votim kanë qenë 2000 këngë gjendet Adelina Ismaili me këngën “Amaneti”.
Sa do e çuditshme, duket se Adelina ka marrë votat e një pjese të publikut që votoi në këtë sondazh, i cili nuk mund të jetë aq kredibil marrë parasysh se nuk ka pasur shtrirje të gjerë nëpër mediumet shqiptare dhe rrjetet sociale.
Befasues janë edhe radhitja në vendin e dytë dhe të tretë. Në vendin e dytë të kësaj renditje gjendjet Tingulli 3nt me “Po t’shoh Përmas”, një këngë hiti e verës 2013.
Befasues është vendi i dytë për “Pot Shoh Përmas”, kur dihet që superhiti më i madh ndoshta në gjithë historinë shqiptare “Fenix” në interpretim të Tunës dhe Cozman arriti vetëm vendin e tretë, gjithnjë sipas sondazhit të publikuar nga Klan Kosova. Të dy këto këngë janë produkte të Getoar Selimit.
Në këtë listë pasojnë “La Vida Loca” nga Blero dhe F-Kay, më pas Elvana Gjata dhe Mc Kresha me “1990” dhe një këngë që ndoshta edhe meritoi një vend më të lartë në këtë listë, hiti i Mc Kreshës, “Lej Flleshat” dhe “Etno Engjujt” me Arta Bajramin, “Vesa”.
Në top 10 gjendet edhe projekti “Tonight” nga Ledri dhe Dafina.
Shikoni më poshtë videon e TOP 50 hiteve shqiptare dhe shprehni mendimin tuaj: Cila këngë sipas jush është superhiti më i madh në industrinë e muzikës shqiptare? A meriton Adelina Ismaili të jetë para “Fenix” apo “Pot Shoh Përmas”? /Telegrafi/
