Presidenti i Shqipërisë Ilir Meta ka kërkuar që asnjë votë të mos tjetërsohet.

Në një postim në mediat sociale, kreu i shtetit shqiptar shkruan se numëruesit duhet të mos ndikohen nga përzgjedhjet e qëllimshme të kutive të numërimit për qëllime demoralizimi të rivalëve.

“Asnjë votë të mos tjetërsohet në procesin e numërimit. Numëruesit të mos ndikohen nga përzgjedhjet e qëllimshme të kutive të numërimit për qëllime demoralizimi të rivalëve.

Të gjithë të ruajnë qetësinë deri në shpalljen e rezultateve përfundimtare.  Çdo votë në kuti do numërohet dhe rinumërohet deri në fund“, është ky reagimi i Metës.

Deklarata e tij vjen pas publikimit të rezultateve paraprake nga KQZ ku deri tani është Partia Socialiste ajo që kryeson në rang vendi./tvklan