Edhe dy ditë do të fillojnë në Kosovë audicionet e hapura për përzgjedhjen e talenteve.
Ekipi i spektaklit muzikor televiziv do të arrijë këtë fundjavë në Kosovë në përpjekje për të gjetur talentë në muzikë që do të përfshihen në garën për çmimin e madh të zërit më të mirë shqiptar për vitin 2014.
Përfaqësuesit e “The Voice of Albania” kanë ftuar të interesuarit për pjesëmarrje në audicionet e hapura që do të nisin të shtunën në Kosovë.
Sipas njoftimit të “The Voice” audicionet fillimisht do të mbahen më 30 gusht prej orës 10:00 në Gjakovë tek Pallati i Kulturës dhe në Prizren tek Teatri Profesionist i Prizrenit, pranë Shtëpisë së Kulturës. Ndërsa një ditë më vonë më 31 gusht po prej orës 10:00 aplikimet do të vazhdojnë në Prishtinë tek Pallati i Rinisë, pranë studiove të Top Channel.
Ky është edicioni i katërt i “The Voice of Albania” i cili sivjet është vlerësuar se ka nisur mjaft suksesshëm, duke marrë parasysh pjesëmarrjen e konkurrentëve në audicione. Juria tashmë është përzgjedhur dhe ajo të përbëhet nga këngëtarët e njohur Elsa Lila, Sidrit Bejleri, Alma Bektashi dhe Genc Salihu.
