Kryeministri në detyrë, njëhesh kryetar i PDK-së, Hashim Thaçi, pas takimit me presidenten Atifete Jahjaga tha se “zgjidha e ngërçit do të jetë në bazë të Kushtetutës dhe duke respektuar rezultatin e zgjedhjeve”.
Ai edhe një herë theksoi se “duhet një komunikim me partitë tjera”, derisa presidentja është vetëm duke i dëgjuar opinionet dhe sugjerimet e liderëve partiak.
Thaçi në takim ishte me Kadri Veselin dhe Hajredin Kuçin. Ndërkohë, pritet që edhe përfaqësuese të partive tjera të kenë takime me Jahjaga. /Telegrafi/
