Zëvendëskryeministri i parë dhe ministri i Punëve të Jashtme të Kosovës, Hashim Thaçi, ka kujtuar Dita Botërore të Refugjatëve.

“Ne, më mirë se kushdo e dimë se çka do të thotë të largohesh nga shtëpia, familja, mëmëdheu. Në këtë ditë, ne kujtojmë miliona të tjerë që ende jetojnë të frikësuar dhe pa shpresë jashtë vendlindjes”, ka thënë Thaçi në Ditën Botërore të Refugjatëve, përmes një statusi në profilin e tij në Facebook.

“Të mos e harrojmë kurrë të kaluarën tonë dhe të gëzohemi që Kosova është në rrugë të duhur për të arritur atje ku dëshirojmë të gjithë ne”, ka shtuar ai aty. /Telegrafi/