Dy të burgosur të cilët kanë tentuar të arratisen nga burgu kishin mbetur të ngujuar në kulm të objektit, por ajo çfarë e bëri më interesant tentim ikjen e tyre janë gardianët të cilët u dhuruan krem kundër djegies nga dielli. Sipas “Daily Mail”, kjo ngjarje e pazakonshme ka ndodhur më 19 qershor në burgun Dartmoor në jugperëndim të Anglisë.

Autoritetet britanike e kanë arsyetuar gjestin e gardianëve, duke thënë se ky është fakt vërteton profesionalizmin e nëpunësve të burgut të cilët në çdo moment kujdesen për shëndetin e të burgosurve të tyre. Megjithatë, me këtë arsyetim nuk ishin ndarë të gjithë të kënaqur. Zëdhënësi i Shoqatës së Gardianëve konsideron se vendimi i tyre ka qenë i papërgjegjshëm dhe se mund të nxis edhe të burgosur të tjerë të tentojnë të ikin përmes kulmit.

“Çfarë do t’iu dhurojnë herën e ardhshme, pije freskuese me akull?”, ka deklaruar ai. Ndërkaq mediet britanike kanë raportuar se dy të burgosur ishin ngjitur në kulm të burgut jo për të ikur por në shenjë proteste derisa gardianët u kishin ofruar krem kundër djegies duke shpresuar se ky gjest do ti bind të zbresin poshtë.