Ministri i Punëve të Brendshme Saimir Tahiri, ka pritur sot reporterin për Shqipërinë në Parlamentin Europian, Knut Fleckenstein.
Sipas një njoftimi për shtyp, në takim u diskutuan arritjet e MPB-së dhe Policisë së Shtetit gjatë këtij viti në luftën kundër narkotikëve, krimit të organizuar dhe korrupsionit.
Gjithashtu, Ministri Tahiri dhe eurodeputeti Fleckenstein folën mbi reformat e deritanishme të ndërmarra nga mazhoranca dhe punën për plotësimin e angazhimeve në kuadër të integrimit evropian, më e rëndësishmja prej të cilave është reforma në drejtësi. /Telegrafi/
