Sultan Kosen nga Turqia, i gjatë dy metra e 51 centimetra, hyri në librin e rekordeve “Guinnes” si burri më i gjatë në botë në vitin 2011. Sultan Kosen është mjekuar kohë më parë në Qendrën mjekësore të Universitetit në Virxhinia në vitin 2010 kundër akromegalisë, çrregullimit të rritjes që më së shumti shkaktohet nga tumori i hipofizës.
Njoftohet se Kosenit i është dhënë një terapi tjetër, e cila mund të ndihmojë në pakësimin hormoneve të rritjes. Pas kësaj terapie shkencëtarët turq kanë publikuar se Kosen ka pushuar së rrituri më. Sultan është bërë një hit i vërtetë në internet dhe për të kanë shfaqur interesim njerëz nga e mbarë bota, duke përcjellë vazhdimisht lajmet për të./Zëri/