Një burrë është filmuar duke vozitur me kamion mbi njërën nga urat më të “pasigurta në botë”.

Pamjet e filmuara me dron shfaqin momentin kur një shofer trim nuk heziton të kalojë me kamion mbi urën tejet të ngushtë Kuandinsky në Siberi, që mezi arrin ta zë një veturë të vogël e lërë me kamionin, transmeton Telegrafi.

Kjo urë përveç se është e ngushtë dhe e “pasigurt”, ajo nuk ka mbrojtëse anësore dhe vetëm një lëvizje më e vogël e gabueshme dhe shoferi i veturës mund ta paguaj me jetë.

Edhe pse shtyllat janë të betonit, sipërfaqja në të cilën kalon vetura është nga hekuri i ndryshuar dhe druri i kalbur, që kushdo që e sheh nuk ka guxim të kalojë në këmbë dhe assesi me veturë. /Telegrafi/