Mozilla ka njoftuar se është duke e zgjeruar sistemin e saj operativ Firefox OS në më shumë shtete, përkatësisht edhe në vendet evropiane dhe ato të Amerikës Latine, pasi kompania ka arritur të krijojë partneritete të reja.
Në fakt, ajo ka arritur marrëveshje me Deutsche Telekom për lansimin e modelit të ri të telefonit Alactal OneTouch Fire E në Gjermani, ndërsa pajisja e njëjtë do të lëshohet edhe në vendet e rajonit tonë, duke e përfshirë Kroacinë, Malin e Zi dhe Maqedoninë.
Platforma e re, Firefox OS do të lëshohet më vonë edhe në Amerikën Latine, duke përfshirë vendet si Argjentina dhe Ekuadori dhe të tjerat, në të cilat do të prezantohet telefoni i ZTE, dhe kjo pritet të ndodhë deri në fund të vitit.
