Zëvendëskryeministri i Qeverisë së Kosovës, Branimir Stojanoviq, pas takimit me kryeministrin serb, Aleksandër Vuçiq, ka thënë se përfaqësuesit e Listës Serbe në ditët në vazhdim nuk do të marrin pjesë në punimet e institucioneve të Kosovës.

Sojanoviq ka thënë për B92 se për hapat tjerë do të vendoset pas konsultimeve me të gjitha nivelet.

“Nuk do të vendoset në Bruksel se a do të marrim pjesë apo jo. Ne do të zhvillojmë bisedime me të gjithë njerëzit në të gjitha nivelet”, është shprehur Stojanoviq, duke shtuar se shkarkimi i Aleksandar Jabllanoviqit është keqpërdorim dhe dëshmi e jo stabilitetit politik në Kosovë.