Deri më sot është folur shumë për modelin e ri të telefonit – Samsung Galaxy J2, të cilin tani kompania jugkoreane e ka prezantuar edhe zyrtarisht në tregun indian.
Samsung Galaxy J2 do të shitet për një çmim të lirë që arrin në 130 dollarë, dhe data e debutimit të tij në treg do të jetë 21 shtatori.
Telefoni do të jetë në dispozicion në tri ngjyra si dhe ekranin 4.7 inç në qHD me rezolucion prej 960 x 540 – pikselëve.
Samsung Galaxy J2 vjen në Android 5.1.1 Lollipop si dhe procesorin quad core 1.3GHz Exynos 3475 dhe 1GB RAM, portin microSD dhe 8GB memorie.
Pajisja sjell edhe kamerën e përparme me 2MP, kamerën e pasme me 5MP dhe baterinë me 2000 mAh. (Telegrafi)
