Pak kohë më parë, Samsung i ka prezantuar modelet e saj “të metaltë” të telefonave, përkatësisht Galaxy A5 dhe A3, me dizajn të ngjashëm të Galaxy Alpha, të cilët megjithatë ofrojnë specifika pak më të ndryshme.
Prodhuesi korean kishte thënë se Samsung Galaxy A5 dhe A3 do të paraqiten në tregje të caktuara në nëntor, dhe tani me sa duket paraqitja e këtyre modeleve ka filluar, sepse të njëjtit janë paraqitur në Kinë për një kosto që arrin në 420 dollarë.
Samsung Galaxy A5 sjell mbështjellësin e metaltë, në trupin e hollë prej 6.7 mm. Më tej, telefoni sjell edhe ekranin 5” HD në Super AMOLED, procesorin quad-core Snapdragon 410 në 1.2GHz me 2GB RAM dhe 16GB memorie të brendshme, plus microSD kartelën. Kamera e pasme e këtij modeli sjell 13MP, ajo frontale vjen me 5MP si dhe lidhjen për 4G LTE, WiFi, Bluetooth 4.0, dhe baterinë me 2,300 mAh dhe Android 4.4 KitKat.
Kina ishte e thënë se do të jetë një nga tregjet e zgjedhura të kompanisë, por Samsung Galaxy A5 dhe A3 do të vijnë edhe në disa rajone të tjera, në muajt e ardhshëm. (Telegrafi)
