Një studim i fundit i bërë nga kompania për kërkime të resurseve humane, Ipsos, ka nxjerrë përfundime të pabesueshme rreth kohë-qëndrimit tonë në rrjetet sociale.
Sipas këtij studimi, një person mesatarisht qëndron rreth 3.6 orë në ditë në rrjetet sociale.
Nëse marrim në konsideratë se një person rrinë zgjuar rreth 16 orë, atëherë do të thotë se një të katërtën e ditës e kalojmë duke shfletuar rrjetet sociale, transmeton Telegrafi.
Por, më së shumti në Facebook dhe Twitter qëndrojnë personat e moshës nën 35 vjet, përkatësisht kalojnë rreth 4.2 orë në ditë në rrjetet sociale.
Ndërsa personat 35-49 vjet qëndrojnë rreth 3.1 orë, kurse njerëzit mbi 50-vjeç në dy rrjetet sociale të lartpërmendura shpenzojnë kohë rreth 2.8 orë në ditë. /Telegrafi/
