Sipas TrendForce, dërgesat globale të telefonave të mençur për tremujorin e parë të vitit 2015 arritën në 291.2 milionë njësi, që shënon një rënie prej 9.2 për qind në krahasim me tremujorin e katërt të vitit të kaluar.

Samsung zuri vendin e parë, me pjesëmarrje të tregut prej 27,8 për qind, që paraqet një rritje nga tremujori i kaluar me 24,7 për qind.

Rivali Apple ka parë një rënie në dërgesat e saj duke marrë 19,9 për qind të tregut, nga 23,2 për qind sa kishte në tremujorin e katërt të 2014.

Sipas TrendForce, “Galaxy S6 dhe S6 Edge kanë kapur me sukses vëmendjen e konsumatorëve në tremujorin e parë.”
Pritjet janë që dy telefonat e mençur të Samsung të shiten deri në 20 milionë njësi në tremujorin e dytë të vitit.

Kompania e hulumtimeve gjithashtu ka thënë se ka mbetur e forte me shitje, pavarësisht rënies nga tremujori i parë, sepse kërkesat janë të vazhdueshme për iPhone 6 dhe iPhone 6 Plus, sidomos ato që vijnë nga Kina. (Telegrafi)