Presidentja e vendit, Atifete Jahjaga dhe kryeministri Isa Mustafa në shtatë vjetorin e pavarësisë së Kosovës bënë homazhe te varrezat e dëshmorëve në Prekaz.
Presidentja e vendit, Jahjaga tha se së bashku me kryeministrin po bëjnë nderime institucionale dhe njerëzore për gjithë sakrificën e atdhetarëve të Kosovës që sakrifikuan shumë për lirinë dhe pavarësinë e shtetit tonë, raporton Telegrafi.
Edhe kryeministri i vendit, Isa Mustafa tha se në këtë përvjetor së bashku me presidenten po bëjnë nderime te varrezat e dëshmorëve në Prekaz, luftëtarëve të lirisë, simbolit të rezistencës, lirisë dhe paqes. /Telegrafi/