Policia e rajonit të Prizrenit ka bërë të ditur se ka arritur që të identifikojnë kryerësit e vrasjes së Egzon Mazrekut nga Sopia e Suharekës derisa njëri është arrestuar e dy të tjerë janë në kërkim.

Kryerësit e kësaj vepre sipas Policisë janë : Xhevat (Shyqeri) Hysenaj i lindur në vitin 1990 me vendbanim në Lipjan si dhe Naser (Faik) Makolli i lindur në vitin 1971 me vendbanim në Fushë Kosovë.

Në komunikatën e Policisë thuhet se pasi të dyshuarit janë  me precedent të shumëfishtë kriminal, të armatosur dhe të rrezikshëm në konsultim me prokurorin e shtetit është vendosur që të bëhen publike fotografitë e dy personave të dyshuar me qellim të identifikimit me të lehtë të tyre, transmeton Klan Kosova.

Policia ka kërkuar nga qytetarët të cilët posedojnë ndonjë informacion sado të vogël për këta dy persona të njoftojnë stacionin më të afërt policor.