Kur Fiona Nicholl pa fustanin ngjyrë krem në varëse, ajo ishte e pushtuar nga ai. “Ishte dashuri në shikim të parë” tha 50 vjeçarja e shkurorëzuar.
“E dija se do të jetë zgjedhje perfekte për martesën e një shoqes”. “Por kur e provova atë, lotët dolën nga sytë e mi. Fustani dukej aq bukur në vitrinën e dyqanit, por mua më rrinte ngushtë dhe rrudhej përreth barkut tim”. Dola nga dyqani pa e blerë dhe i bëra vetes premtim që të humbas peshë- kur humba kilogramët e dëshiruar u ktheva që ta blej fustanin. Ishte qershori i vitit 2012 dhe kisha 3 muaj për t’u dobësuar për këtë dasmë.
Përderisa shumica e grave do të konsideronin pakësimin e ushqimit,ushtrimet dhe numërimin e kalorive, Fiona bëri një zgjedhje drastike: ajo filloi të pijë argjilë që të dobësohet, transmeton koha. Tingëllon shumë keq por këto produkte “pastruese argjile” janë trendi më i ri në industrinë e dietës-tani me vlerë 2 miliardë dollarë- po shtyn gratë e dëshpëruara që të humbasin peshë. Edhe pse ky produkt konsiderohet nga shumë mjekë si i rrezikshëm për organizmin, kjo nuk e ka ndalur përhapjen e këtij trendi.