Një autobus me 30 nxënës të shkollës së mesme është përmbysur këtë mëngjes në aksin Dragot-Belsh, teksa shkonin në shkollë.
Aksidenti u regjistrua rreth orës 09:20 në afërsi të fshatit Kajan. Mësohet se mjeti ka dalë nga rruga dhe është përmbysur.
Për pasojë dy prej nxënësve kanë mbetur të plagosur lehtë. Ata janë transportuar në Qendrën Shëndetësore të fshatit Kajan për marrjen e ndihmës mjekësore.
Policia e Shtetit në njoftimin paraprak bën me dije se fatmirësisht aksidenti është pa pasoja të rënda.
Nuk dihen ende shkaqet e këtij aksidenti, ndërsa dyshohet se furgoni ka dalë nga rruga si pasojë e lagështirës nga reshjet e dendura të shiut./Telegrafi/
