Përfundon procesi i votimit për zgjedhjet e përgjithshme parlamentare në Turqi, ndërkohë ka filluar procesi i numërimi i votave në rang vendi
Sipas vendimit të Bordit të Lartë Zgjedhor (YSK), procesi i votimit në 32 qytete në lindje të Turqisë – i cili kishte nisur në orën 7:00 – përfundoi në orën 16:00. Ndërsa në qytetet e tjera ku procesi zgjedhor kishte nisur në orën 8.00, ka përfunduar në orën 17:00, sipas kohës lokale.
Votuesit kanë votuar në 175006 vendvotime në të gjithë Turqinë.
Ndër të tjera, ka përfunduar edhe procesi i votimit në pikat doganore për shtetasit turq jashtë vendit.
Mësohet se votimi për qytetarët turq jashtë vendit kishte filluar me 8 tetor dhe kishte përfunduar me 25 tetor në kutitë e votimit të ngritura në 113 përfaqësi në 54 shtete jashtë vendit. Fletët e votimit në këto qendra janë dërguar në Turqi nëpërmjet aeroplanëve dhe postave diplomatike. Këto vota të ruajtura në Bordin e njësive zgjedhore jashtë vendit, do të numërohen me votat e tjera
Në adresën e internetit secim.aa.com.tr do të tregohen në kohë reale rezultatet e zgjedhjeve të përgjithshme. Gjithashtu rezultatet do të paraqiten të shoqëruara nën formën e hartave dhe të grafikëve.
Sipas rezultateve të deritashme prin Partia për Drejtësi dhe Zhvillim e presidentit Recep Taiyyp Erdogan.
Zgjedhjet e sotme në Turqi kanë qenë të dytat në pesë muaj, pasi partia e Erdoganit ka dështuar të sigurojë shumicën në zgjedhjet e qershorit, ndërsa përpjekjet për të formuar koalicion qeveritar kanë qenë po ashtu të pasuksesshme. /AA/Telegrafi/
