Disa modele aktuale të telefonave të mençur nga Apple po kanë probleme me ekranet e tyre menjëherë pas u zhbllokuan.

Në forume në internet, disa përdorues të iPhone ankohen se pasi zhbllokuan telefonat e tyre, një vijë e gjelbër dhe e çuditshme iu shfaqej atyre në ekran për disa sekonda, transmeton Telegrafi.

Duke iu referuar shkrimeve në Reddit dhe në forumin MacRumors, ky problem në ekranet e iPhone, ka irrituar mjaft shumë përdoruesit e Apple.

Kryesisht modelet iPhone 11 ishin më të prekurit.

Por ajo ishte shfaqur edhe në ekranet e iPhone X dhe XS.

Njolla e parë u shfaq pas lëshimit të versionit iOS 13.4 në fillim të prillit, por disa e kanë vënë re atë vetëm pas instalimit të iOS 13.5.

Një përdorues tjetër ka raportuar që iOS 13.5.5, i cili aktualisht është në beta, bën që hijet e gjelbra të zhduken. Pra, mendohet se është një problem me softuer.

Deri më tani, Apple nuk ka dashur të komentojë problemin. /Telegrafi/