Deputeti i Partisë Demokratike të Kosovës (PDK), Zenun Pajaziti, në emisionin “Info – Box” të TV Dukagjinit, ka theksuar se kryetari i Partisë Demokratike të Kosovës, Hashim Thaçi është personi më i përshtatshëm që të jetë president i Kosovës.

Ai duke iu referuar shefit të PDK-së, Hashim Thaçi, ka theksuar se “ku ka me mirë që presidenti i vendit të jetë njeri që e ka mbështetjen më të madhe në vend” dhe ka qenë sipas tij, “pjesëmarrës në proceset më të rëndësishme që ka kaluar Kosova”.

“Nuk besoj se do të kishte president më legjitim. Thaçi do ta kryente në mënyrë të mrekullueshme punën e tij. Zgjedhjet mund të jenë ndonjëra prej opsioneve. Besoj se nëse zgjedhjet do të mbaheshin tash, nuk do të kishte ndryshim të rezultatit zgjedhor. Prishja e marrëveshjes, në mes LDK-së dhe PDK-së, mbi të cilën është ndërtuar koalicioni qeverisës, do të çonte në situata të tjera vendin”, ka theksuar Pajaziti. /Telegrafi/