Një çift nga Tabasco në Meksikë, kanë pagëzuar vajzën e tyre të porsalindur me emrin e referendumit Brexit, në të cilin qytetarët e Mbretërisë së Bashkuar vendosën pro daljes nga Bashkimi Evropian, transmeton Telegrafi.
Lajmi është bërë i ditur nga gazeta lokale “Excelsior” e cila në ballinë kishte vënë certifikatën e lindjes së foshnjës, transmeton Telegrafi.
Vogëlushja Brexit është regjistruar me këtë emër në librin amëz, pasi kjo datë njëherit do të mbahet në mend për referendumin e organizuar ku 52 për qind e qytetarëve britanikë votuan pro daljes nga BE-ja.
Menjëherë pas referendumit, në rrjetet sociale ka filluar të qarkullojë lajmi se një çift meksikan ka pagëzuar të bijën e tyre me një emër të pazakontë.
