Partitë opozitare edhe një herë kanë bërë thirrje që të mos vazhdohen seancat e Kuvendit pa u tërhequr marrëveshjet me Serbinë dhe demarkacioni me Malin e Zi.

Në një komunikatë të dërguar për media, partitë opozitare vlerësojnë se vazhdimi i seancës natën tensionon situatën më tutje.

“Kadri Veseli nuk e mbajti fjalën për 1 orë pauzë. Ai e shtyu pauzën deri në orën 20:00. Zhvillimi i seancës natën, nën rrethim policor të Kuvendit dhe nën masa të rrepta sigurie brenda Kuvendit, duke ndërruar sallën – me rrezikun që të mos i lejojë mediet brenda, do të shpie në tensionim të mëtutjeshëm të situatës”, thuhet në reagimin e partive opozitare.

Sipas opozitës, jo rastësisht Kadri Veseli zgjodhi natën për të vazhduar seancën.