Në një ngjarje mediale në Londër, OnePlus e zbuloi edhe zyrtarisht modelin e saj më të ri të telefonit – OnePlus X, i cili do të kushtojë jashtëzakonisht pak për specifikat që do t’i ofrojë.
Edhe pse nuk është modeli kryesor i kompanisë, për nga specifikat dhe kostoja duket se do të jetë një model shumë konkurrues në treg. Është model i ri i telefonit që do të shitet për vetëm 249 dollarë.
Edhe për nga dizajni, OnePlus X duket shumë i bukur. Është i përbërë nga xhami në të dyja anët e telefonit, ndërsa ka edhe kornizat e metalta, në skajet paksa të rrumbullakëta.
OnePlus X është njëri ndër modelet më të lehta që kompania kineze ka krijuar deri më tani.