Në Birmingham të Britanisë së Madhe, dy të rinj kanë hyrë të zhveshur në vaskën e mbushur me degë të hithrave.
Jay Swingler dhe Romell Henry, e kanë mbuluar vetën me fletët e bimës që irriton lëkurën, dhe më pas kanë dalë përjashta, transmeton Telegrafi.
Në videon e publikuar ata shihen duke u përpëlitur në agoni, nga dhimbjet që i kanë shkaktuar gjethet.
Ata hidhen, kruhen, bërtasin, por edhe qeshin nganjëherë me veprimin që e kanë bërë.
“Dhimbja ishte e tmerrshme dhe nuk na është hequr deri të nesërmen”, shkruan në përshkrimin e videos, që është parë afro katër milion herë.
Veprimi i këtyre dy të rinjve nuk i rekomandohet askujt, meqë hithrat mund të shkaktojnë acarim aq të madh të lëkurës, që mund të ketë pasoja të paparashikueshme. /Telegrafi/