Nëse nuk jeni ithtar i madh i temperaturave të ulëta, akullit dhe borës që t’ju shoqërojnë pothuajse përgjatë gjithë vitit, atëherë ndoshta nuk do të dëshironit të jetonit në Alaska.

Por, çfarë nëse ju themi që, vetëm për të jetuar në atë shtet, do të merrni rreth 1600 euro për asnjë arsye të veçantë?

Kjo ndodhi pikërisht dje, më 2 tetor. Çdo person me qëndrim të përhershëm në Alaskë, madje edhe foshnjat, janë paguar nga rreth 1.884 dollarë nga Fondi shtetëror që investon fitimet nga nafta në avancimin dhe pasurimin e shtetit, transmeton Telegrafi.

Dividenta e parë është paguar për qytetarët në vitin 1980, ndërsa tani, në llogarinë e Fondit raportohet se janë grumbulluar rreth 50 miliardë dollarë. Vetëm këtë javë, banorëve të Alaskës do tu ndahen 1.1 miliard dollarë.

Kush jeton në Alaskë që nga 1980 deri më tani ka fituar 37 mijë dollarë.