Nënkryetari i Komunës së Lipjanit, z. Diamant Bytyqi së bashku me bashkëpunëtor, sot për nder të 16 vjetorit të Pavarësisë së Kosovës, bënë homazhe dhe vendosën buqeta me lule pranë lapidarit të Komandantit Legjendar “Adem Jashari”.

Nënkryetari z. Bytyqi para nxënësve të shkollës fillore të mesme të ulët “Ismail Luma”, theksoi se 17 shkurti është dita kur Kosova u bë shteti më i ri në kontinentin evropian, prandaj kjo datë do të jetë pjesë e historisë së kombit shqiptar, i cili ka sakrifikuar shumë gjenerata për të arritur lirinë dhe pavarësinë e Kosovës.