Sot edhe zyrtarisht ka filluar fushata e korrje-shirjeve në Komunën e Lipjanit. Këtë fushatë nga afër e ka përcjellur edhe Drejtori i Bujqësisë, Pylltarisë dhe Zhvillimit Rural Shefqet Amërllahu i cili ka uruar bujqit lipjanas për fillimin e fushatës së korrje-shirjeve për vitin 2018, pavarësisht asaj që nuk ka pasur rendimente të kënaqshme të grurit, për shkak të motit të lig që ka mbretëruar në Komunën e Lipjanit.
“Rendimenti nuk është i kënaqshëm për shkak të reshjeve të mëdha të shiut, por edhe cilësia e grurit nuk është e mirë dhe ka humbje të mëdha, megjithëse rendimentet tek ne shkojnë rreth 3.4 tonë për hektarë”, ka thënë drejtori i Bujqësisë Shefqet Amërllahu.
Fushata e korrje-shirjeve pritet të përfundojë brenda dy ose tri jave, nëse mban moti i mirë dhe pa reshje.