Kosova këtë të mërkure feston 8-vjetorin e e shpalljes së pavarësisë së saj. Komuna e Lipjanit tashmë ka bërë të ditura aktivitetet për shënimin Shpalljes së Pavarësisë së Kosovës, të cilat do të nisin nga 15 shkurti e do të vazhdojnë deri më 17 shkurt.

Përderisa, Qeveria aktuale fton qytetarët për të festuar shpalljen e pavarësisë, nga ana tjetër opozita fton qytetarët për të kërkuar dorëheqjen e kësaj qeverie të vendit. Opozita tashmë ka mbajtur edhe në Komunën e Lipjanit  një tubim mobilizues ku i pranishëm ishte edhe Kryetari i Nisma për Kosovën Fatmir Limaj, i cili u tha Lipjanasve se kanë arsye edhe më të fortë për të protestuar duke aluduar gjithherë në pjesëmarrjen sa më aktive të qytetarëve për të mbështetur sipas tyre kauzën e protestës së opozitës dhe revoltën e tyre kundër qeverisë aktuale./LipjaniNews/